Hanuman Chalisa in Hinglish-Full Lyrics, Meaning & Paath

Hanuman Chalisa, Goswami Tulsidas Ji dwara rachit ek ati pavitra stotra hai jise log shakti,sahas,buddhimatta aur raksha ke liye roz paath karte hain. Lord Hanuman ko bhakti aur shakti ka roop mana gaya hai. Hinglish mein Hanuman Chalisa padhna aur yaad rakhna aasan hota hai, isliye yahan hum poore dohe-chalisa ke lyrics Hinglish mein de rahe hain.

Hanuman Chalisa Lyrics in Hinglish(Full)

Doha

Shri gurucharan Saroj raj,

Nij manu mukuru sudhaari,

Barnaun Raghubar bimal jasu,

Jo daayaku phal chaari.

Buddhiheen tanu janike,

Sumiro Pavan Kumar.

Bal Buddhi vidya dehu mohin,

Haarahu kalesh vikaar.

Chaupai (40 Chalisa)

Jai Hanuman gyaan gun saagar,

Jai kapis tihu lok ujaagar.

Ramdoot atulit bal dhaamaa,

Anjani putra Pavansut naamaa.

Mahaveer vikram Bajrangi,

Kumati nivaar sumati ke sangi.

Kanchan varan viraaj subesa,

kaanan kundal kunchit kesa.

Haath bajra aur dhwaja biraje,

Kandhe moonj janeu saaje.

Shankar suvan kesari nandan,

Tej pratap maha jag vandan.

Vidyavaan guni ati chatur,

Ram kaaj karibe ko aatur.

Prabhu Charitra sunibe ko rasiya,

Ram Lakhan Sita man Basiya.

Sookshma roop dhari Siyahin dihaava,

Vikat roop dhari lank jarava.

Bheem roop dhari asur sanghaare,

Ramchandra ke kaaj sanvaare.

Laaye Sanjeevan Lakhan Jiyaaye,

Shri Raaghubir harasi ur laaye.

Raghupati keenhi bahut badaayi,

Tum mama priya bharat-hi samaayi.

Sahas badan tumharo yash gaavein,

Asa kahi shripati kanth lagaavein.

Sankadik Brahmaadi Muneesa,

Narad Saarad sahit Aheesa.

Yam kuber Digpaal jahan te,

Kavi kovid kahi sake kahan te.

Tum upkaar Sugreevahin keenha,

Ram milaye raajpad deenha.

Tumharo mantra Vibheeshan maana,

Lankeshwar bhaye sab jag jaanaa.

Yug sahastra yojan par Bhaanu,

Leelyo taahi madhur phal jaanu.

Prabhu mudrika meli mukh maahin,

Jaladhi laanghi gaye achraj naahin.

Durgaam kaaj jagat ke jete,

Sugam anugrah tumhare tete.

Ram dwaare tum rakhwaate,

Ho na aagra binu paisaare.

Sab sukh lahai tumhaari sharan,

Tum rakshak kaahu ko dar naa.

Aapan tej samharo aapai,

Teenon lok haank te kaapai.

Bhoot pisaach nikat nahi aave,

Mahaveer jab naam sunaave.

Naasaye rog hare sab peera,

Japat nirantar Hanumat beera.

Sankar se Hanuman Churaave,

Man karam vachan dyan jo laave.

Sav Ram tapasvee raaja,

Tin ke kaaj sakal tum saaja.

Aur manorath jo koi laave,

Sohi amit jeevan phal paave.

Charon yug partaap tumhaaraa,

Hai prasiddh jagat ujiyaara.

Sadhu sant ke tum rakhwaare,

Asur nikandan Ram dulaare.

Ashta siddhi nav nidhi ke daata,

Ashir bad deen janki maata.

Ram rasayan tumhare paasaa,

Sada raho Raghupati ke daasaa.

Tumhare bhajan Ram ko paave,

Janam janam ke dukh bisraave.

Ant kaal Raghubar pur jaayi,

Jahan janam hari bhakt kahayi.

Aur devta chitt na dharayi,

Hanumat se hi sarva sukh karayi.

Sankat kate mite sab peera,

Jo sumire Hanumat balbeera.

Jai jai jai Hanuman Gosai,

Kripa karo Gurudev ki naai.

Jo sat baar paath kar kai,

Chhootahin bandi maha sukh hoyi.

Jo yah padhe Hanuman Chalisa,

Hoy siddhi saakhi  Gaurisa.

Tulsidas sada hari chera,

Keeje nath hriday mein dera.

Doha (Samapati)

Pavan tanay sankat haran,

Mangal murti roop.

Ram Lakhan Sita sahit,

Hriday baso sur bhoop.

Also read: Lyricsbha: हनुमान जी अपने पूरे शरीर पर सिंदूर क्यों लगाते हैं? संबंधित कथा-

 Hanuman Chalisa Meaning (Short Summary in Hinglish)

Hanuman Chalisa Hanuman ki shakti,bhakti,gyaan aur seva ko vandan karta hai. Isme unki Ram bhakti, Lanka dahan, Lakshman jeevan daan jaise veer gathaon ka varnan hai. Paath karne se man mein himmat,shaanti aur sakaratmakta badhi hai.

Hanuman Chalisa ke prati-din paath aapke jeevan mein shanti,bal aur sakaratmak drishti lekar aata hai. Hinglish version padhna aur smaran karna asaan hota hai, isliye ise apne daily spiritual routine ka hisaa banaiye.

Neem Karoli Baba kaun The? | Kainchi Dham | Miracle | Full Guide in Hindi

 Neem Karoli Baba, jinke bhakton ne unhe Maharajji ke naam se bhi jaana 20th century ke sabse adbhut aur adhyatmik guruon me se ek the. Baba ji ka jeevan,unki kripa, aur unke aashramon se judi anek kahaniyan aaj bhi logon ke hriday ko shanti aur bhakti se bhar deti hain.

Unka sabse famous aashram Kainchi Dham(Nainital, Uttarakhand) me hai jahan har saal hazaron log darshan ke liye aate hain.

Ye post aapko Baba ji ki jeevan katha, Chamatkar aur Kainchi dham mandir guide sab ek saath provide karega.

Neem Karoli Baba Ji ka Jeevan- Ek Saar

• Baba ji ka janm 1900 ke aas-paas Akbarpur (Uttar Pradesh) me hua.
• Chhoti umr se hi unka man bhakti aur dhyaan me lagta tha.
• 17 saal ki umr me ghar chhodkar tapasya aur sadhu jeevan accept kiya.
• Unhe "Neem Karoli Baba" naam tab mila jab unhone Neem Karoli gaon ke paas seva ka karyakram shuru kiya.
• Unka jeevan saralta,prem aur seva ka prateek tha.

Baba ji kabhi kisi ko dharam ya jaati ke adhaar par nahi dekhte the- unke liye sabhi bhakt ek samaan the.

Kainchi Dham Mandir-Complete Visit Guide

Location: Bhaowali - Nainital Road, Uttarakhand

Famous For: Neem Karoli Baba ka aashram aur mandir

Best Time to Visit: March - July & October - December

Special Day: 15 June - Prati varsh sthapana diwas par lakhon bhakt aate hain

Mandir Timing:

• Morning: 5:00 AM - 12:00PM
• Evening: 4:00 PM - 7:00PM

(Timing season ke according badal sakta hai)

How to Reach Kainchi Dham?

• By Road: Nainital, Haldwani, Kathgodam se direct bus/Taxi mil jati hai.
• By Train: Nearest station: Kathgodam (40 km)
• By Air: Pantanagar Airport (70 km)

Neem Karoli Baba ji ka jeevan prem,daya,shanti aur seva se bhara hua tha. Unke aashramon me aaj bhi wahi shanti aur pavitrata mehsoos hoti hai jise unke bhakton ne anubhav kiya.

Kainchi Dham ho ua unki kahaniya - Baba ji ka naam hi bhakti aur postivity se bharpoor hota hai.

Shiv Tandav Stotram Lyrics in Hinglish with Meaning | Somvaar ke din pdhe " Ravan Rachit" stotram

 Shiv Tandav Stotram - History,Mahima aur Mahatva

Shiv Tandav Stotram ek aisa adbhut stotra hai jo Bhagwan Mahadev ke tandav nritya ka varnan karta hai -

woh nritya jisme srishti, sthiti aur sanhaar, teeno ka tattva samaya hua hai.

Is stotram ko Lankapati Ravan ne likha tha, jo Bhagwan Shiv ke sabse bade bhakton me se ek tha. Kaha jata hai ki jab Ravan ne apni shakti aur ahankaar me aakar Kailash Parvat uthane ki koshish ki , to parvat ke niche uske haath dab gaya. Tab usne dard me bhi bhakti ka roop dharan kar liya- aur unhi palon me uske mukh se ye Shiv Tandav Stotram nikla tha, jo aaj bhi Mahadev ke bhakton ke liye sabse pavitra stotra maana jaata hai.

Ye stotram Mahadev ke roop, shakti ke rahasya ko bayaan karta hai. Somvaar ke din ya Mahashivratri par is stotram ke paath karna Man ke shant, negative evergy ko door, aur aatmik bal ko majboot karta hai.

Har shabd me "Om Namah Shivaay" ki tarah ek kampan hai - Jo bhakt ke hriday aur urja dono bhar deta hai.

• Composer: Ravan
• Devta: Bhagwan Shiva
• Language: Sanskrit
• Best day to read: Somvar (Monday)
• Benefits: Shanti, Raksha

Shlok 1

Jata tavi galaj jala pravaha pavita sthale,

Gale valambya lambitam bhujanga tunga

malikam!

Damad damad damad daman ninad vadya 

marvayam, 

Chakara chand tandavam tanotu nah shivah

shivam ||1||

Meaning:

Shiv ji ke jata se behne wali Ganga dharti ko pavitra karti hai. Unke gale me saanp ki lambi mala hai, aur ve damru ke dhun par tandav kar rahe hain. Wo shiv hamesha hum sabko shukh aur shanti dein.

Shlok 2

Jata kataha sambhrama bhraman nilimpa nirjhari,

Vilola veechi vallari virajman murdhani

Dhagad dhagad dhagaj jvalal patta pavake,

Kishora chandra shekhare ratih pratikshanam

mama ||2||

Meaning:

Shiv ji ke mastak par Ganga ke lehrain khel rahi 

hain,

Unke lalat se nikli agni jal rahi hai,

aur unke sir par chhota Chand(Kishor Chandra)

Virajman hai.

Mera man unke roop par sada sthir rahe.

Shlok 3

Dharadharenra nandini vilasa bandhu bandhura,

Sphurad diganta santati pramoda mana manase!

Krupa Kataksha dhorani niruddha durdhara padhi,

kvachid digamvare mano vinodametu vastuni ||3||

Meaning:

Jo Parvati ke saath kailash par nivas karte hain,

jin ke kripa drishti se sab dukh door ho haate hain,

Un digamabar Shiv me mera man sada ananad

 paaye.

Shlok 4

Jata bhujanga pingala sphurat phana mani

prabha

kadamba kunkum drava pralipta digva dhu

mukhe|

Madantha sindhur sphrut tvah uttariyam edure,

Mano vinod madbhutam bibhartu bhuta bhartarii ||4||

Meaning:

Shiv ji ke shareer par chandan aur kumkum ki 

sugandh hai,

Unke saanp ke mani chamak rahe hain,

aur ve bhuton ke swami hain- unka roop man 

ko anand deta hai.

Shlok 5

Sahasra lochana pravrutya shesha lekha 

shekhara,

Prasoon dhooli dhorani vidhusar angri

peethabhuh|

Bhujanga raja malaya nibaddha jata jootakah,

Shriyai chiray jayataam chakora bandhu 

shekharah ||5||

Meaning:

Devata jin ke charanon par pushp chadhate hain,

jin ke sir par saanpon ki mala hai,

aur jinke sir par Chandrama virajmaan hai,

wo Shiv humare jeevan me sada mangal laayein.

Shiv Tandav Stotram sirf ek prathana nahi, balki shiv ki urja ka anubhav hai.

Jo bhi bhakt ise bhakti bhav se padhra hai, uske andar se bhay aur andhkaar door ho jaata hai. yaha par 5 shlok with meaning likhe gye hain aap inko easily read kr skte hain kyunki hame sanskrit itni easily samajh nahi aati hai aap in lyrics ko padhkr aur shlok ka meaning bhi samajh sakte hain.

Is somvar ko stotram ka paath karein aur bolein " Har Har Mahadev"

 

Top 3 Mahadev Mantra Lyrics with Meaning in Hinglish | Monday Special Mantra

 🌟Mahadev ki Mahima

Bhagwan Shiv ko Devon ke Dev Mahadev kaha jaata hai Unka smaran karne se paap door hote hain aur man mein shanti aati hai. Somvaar ka din Mahadev ko samarpit hai, Is din shiv bhakt shivalay jaakar shivling ki pooja archana aur jal arpit karte hain.

Mantra jaap Shiv bhakti ka sabse pavitra roop hai.Yahaan hum laaye hain Top 5 Shiv Mantra in Hinglish, Jinhe roj jaap karne se aapko man ki shanti, swasthya aur safalta prapt hoti hai.

🌸Mantra 1: Panchakshri Mantra

"Om Namah Shivaay"

Meaning: 

Main Shiv ko naman krta hooon - Yeh panchakshri Mantra sabse pavitra aur shaktishaali hai. Iska jap karne se man aur atma dono shuddh ho jaate hain.

History:

Yeh mantra Shiv Purana aur Yajurveda(sri Rudram Adhyaya) se liya gaya hai. Ye panchakshari Mantra ke naam se bhi jana jata hai.

Purano ke anusaar, is mantra ka jap sabse pehle Rishi Markandiya ne kiya tha, jab unhe bhagwan Shiv ne mrityu se bachaya tha, Tab se yeh mantra moksha aur suraksha ka prateek ban gaya.

Benefits:

• Dukh, paap aur chinta door hoti hai
• Man mein shanti aur postivity badhti hai
• Shiva ke ashirwad se jeevan mein safalta milti hai
• Man ko pavitra karta hai
• Shiv aur paarvati dono ka ashirwaad deta hai

🌸Mantra 2: Maha Mrityunjaya Mantra - Amar Jeevan ka Rahasya

"OM Tryambakam Yajamahe Sugandhim Pushtivardhanam 

Urvarukamiva Bandhanan Mrityo Mukshiya Maamritat"

Meaning:

Hey Trinetra( Teen Ankh Wale) Shiv, Humein rog, dukh aur mrityu se mukt karo.

History:

Yeh Mantra Rigveda(Mandala 7, Sukta 59, Mantra 12) se liya hai. Iska jap sabse pehle Rishi Markandeya ne kiya tha. 

Jab unki umar keval 16 saal ki thi, tab bhagwan Shiv ne unhe mrityu se bachaya tha aur yeh mantra diya tah. Isiliye isse Mrityu par vijay pane wala mantra kaha gaya.

Benefits: 

• Rog aur bhay se raksha hoti hai
• Aayu badhti hai aur man shant rehta hai
• Mrityu ke samay bhi bhay door hota hai

🌸Mantra 3: Rudra Gayatri Mantra- Rudra Roop ki Aradhna

"Om Tatpurushaya Vidmahe Mahadevaya Dhimahi Tanno Rudrah Prachodyat"

History:

Yeh mantra Yajurveda aur Rudra Gayatri Stotra se aaya hai. Rudra ka matlab hai - jo sab kuch tod kar naye roop mein rachna kare( destruction + creation).

Is mantra ka Uchharan Rishi Vishwamitra ke samay se hota aaya hai, jahan ise atma suddhi aur divine enlightenment ke liye use kiya jaata tha.

Benefits:

• Atma ko Pavitra karta hai
• Man aur buddhi ko divya banata hai
• Sadhak ko moksha ke marg par le jaata hai
• Negativity se mukti 
• Buddhi aur vivek mein vriddhi 

In Top 3 Shiv Mantras ke niyamit jap karne se aapke jeevan se bhay,rog,aur dukh door ho jayenge.

Mahadev ke naam me hi Moksha aur sukh chhupa hai.

Har Har Mahadev !

Aapko kaunsa mantra sabse priya hai? Comment kre🙇

TULSI VIVAH BHAJAN LYRICS IN HINGLISH | Tulsi Mata Shaligram Vivah Geet 2025 | Devuthani Ekadashi Special Lyrics

 Tulsi Vivah Kya hai: Tulsi Vivah ek pavitra utsav hai jo DEV UTHANI EKADASHI ke agle din, Kartik shukla Dwadashi ko manaaya jaata hai.

Is din Tulsi Mata ka vivah Shaligram Bhagwan Vishnu ke saath hota hai.Yeh Vivah Dharma aur Pavitra ka prateek mana jata hai.

Is din log Tulsi ke ped ko saaf karke sajate hain aur rangoli banate hain, aur shaadi jaisa mandap sajate hain. Tulsi Mata ke bhajan gaa kar log unke aashirwaad paate hain.

Meri Pyaari Tulsi Banegi Dulhaniya

Meri pyari Tulsi banegi dulhaniya

sajj ke aayenge dulhe raja

dekho devta bajayenge baaja

Solah singaar meri tulsi karegi

haldi chadegi Maang bharegi

dekho mathe pe damke ka teeka 

devta baajayenge baaja

Devi bhi aayi sang devo ko laayi

sadhu bhi aaye sant bhi aaye 

aai hai sang me baratiya 

dekho devta baja rahe baaja

gore gore hatho mein mehendi lgegi

laal laal chunri me tulsi sajegi

dekho pairo me bajegi payaliya 

devta bajaayenge baaja

sajj dhaj ke meri tulsi khadi hai

doli mangwa do subh ghadi hai

ankhon se bahegi jaldhara 

dekho devta bajayenge baaja

Also Read:https://lyricsbha.blogspot.com/2025/10/bhai-dooj-2025-bhai-dooj-ko-special.html?m=1

Tulsi Vivah Puja Tips 

• Tulsi ke ped ko mandap jaisa sajao.
• Tulsi Mata aur Shaligram Bhagwan ki murti ya photo rakhkar puja karo.
• Bhajan ya mantra ke saath vivah ka utsav manao.
• Tulsi Mata ki aarti zarur karo aur prasad baanto.

1. Tulsi Vivah kab manaya jata hai?

Tulsi Vivah Kartik month ke Shukle Paksh ke Ekadashi tithi ko manaya jata hai, Jise Dev Uthani Ekadashi bhi kahte hain.

2. Tulsi Vivah kis ke saath hota hai?

Tulsi Mata ka Vivah Bhagwan Vishnu ke avatar Shaligram ji ke saath hota hai.

3.Tulsi Vivah ke din kya karna chahiye?

Is din Tulsi ke ped ko sajaya jata hai, pooja ki jati hai, aur Tulsi-Shaligram ka vivah karke prasad baanta jata hai.

4.Tulsi Vivah ghar par kaise kare?

Tulsi ke ped ko mandap bana kar sajaiye, Shaligram ji ko dulha baniye aur shubh muhurat me mantr uccharan ke saath pooja kijiye.

5. Kya Tulsi Vivah karne se vivah ke yog bante hain?

Haan, kaha jata hai ki jo log Tulsi Vivah ke utsav manate hai ya us din vrat karte hain, unke jeevan me vivah ke yog sudharte hain grihasth jeevan me sukh milta hai.

Tulsi Vivah sirf ek puja nahi balki param pavitra vivaah sanskar hai jo dharmik aur aadhyatmik dono roop me mahatvapurn hai.

Is din bhakton ko chahiye ki Tulsi Mata ka bhajan gayein aur Bhagwan Vishnu se apne jeevan me sukh-samridhi ke prarthan karein.

Bhai Dooj 2025: Bhai Dooj ko special bnaye In pyare song ke sath

 Bhai dooj, ek aisa tyohaar hai jo sirf ek rasam nahi, balki ek jazbaat hai. Ye din bhai-bhan ke anmol rishte ko celebrate karta hai- ek aisa bandhan jisme pyaar, bachpana, nok-jhok aur care sab kuch shaamil hai. 

Diwali ke turant baad aata hai ye pavitra din, jab behen apne bhai ke liye aarti karti hai, tilak lagati hai, aur uski lambi umar ki dua mangati hai.

Bhai dooj ke liye funny aur pyare song 

• Mera Bhai Meri Jaan

Verse 1: 

Aaj phir se khil gaya hai ghar ka aangan,

Diya jala hai dil ke sang.

Behen ke haath mein aarti ka thaal

Tilak laga ke boli, Tu hai meri shaan.

Chorus:

Mera bhai, Meri Jaan,

Tera bina adhura mera armaan.

Har musibat mein tu mere saath hai,

Tere pyar se roshan meri pehchaan.

Verse 2:

Bachpan ke wo khel yaad aate hain,

Tu chhup jaata, main dhundh paati hoon.

Ladte the, phir haste the hum,

Ab bhi tere bina main udaas si hoon.

Bridge:

Rakhi ke dhaage se lekar,

Bhai dooj ke tilak tak ka safar, 

Har pal mein hai ek dua chhupi 

Mera bhai rahe sada khush aur safal.

Final Chorus:

Mera bhai, Meri Jaan,

Tere bina adhura mera armaan.

Har saal yeh din aaye,

Bhai-Behen ka rishta yu hi chhaye.

Outro (spoken):

Jab tak saanse chalengi

Mera pyaar tere saath rahega,

Bhai tu sirf mera rakshak nahi

Mera sabse bada dost bhi bnega.

• Bhai tu hai hero- Funny

Verse 1:

 Bhai tu hai hero, thoda zero bhi sahi,

Chocolate kha jaaye, aur manaaye wahi,

Har baar gift mein demand karu main,

Aur tu keh de,-"Bas ab nahi".

Chorus:

Bhai tu hai hero, meri world ka star,

Har jhagde ke baad bhi kare pyar,

Bhai dooj pe tu aa gya ghar ,

Ab mithai se meetha hai sansaar.

Verse 2:

School ke din, wo shararat bhare,

Mummy ki daante, hum dono ko pare,

Selfie le tag kr insta pe 

Bridge:

Rakhi ho ya Bhai dooj ka din, 

Bina tere kya mazaa hai jin,

Tu jahan bhi ho, yaad rakhna,

Behen teri superstar hai re!

💮Bhai dooj ka Mahatva 

Bhai dooh ke din, behen apne bhai ko tilak lagakar uski sukh, samridhi aru lambi umar ki kamna karti hai. Bhai apni behen ko gifts, sweets deta hai. kai jagah ise Bhai Beej (mumbai), Bhai Phonta ( west bengal), aur Yama Dwitiya(UP) ke naame se bhi jaante hai.

HAPPY BHAI DOOJ 2025!

Karwa Chauth ke liye Special Bhajan Lyrics in Hinglish

✨Introduction: The Essence of Karwa Chauth

 Karwa Chauth --- ek pavitra aur prem se bhara vrat hai jo saubhagyavati nariyon dwara apne pati ki lambi umar ke liye rakha jata hai. Is din, suhagan aur newly married women ko Chand darshan ke baad apna vrat todti hain.Is vrat ka ek sabse pavitra aur bhavnao se juda hissa hota hai--- Karwa Chauth ke bhajan.Aaj hum lekar aaye hai Karwa chauth Bhajan Lyrics in Hinglish, Jisse aap puja samay ya satsang me gaa sakte hain.

Karwa Chauth Bhajan Ka Mahatva 

karwa Chauth ke din mahilayen Maa Parvati, Lord shiva, aur Karwa Mata ki pooja karti hain. Pooja ke dauran bhajan gaana shubh aur mangal mana jata hai. Yeh bhajan vrat ki shakti badhate hain aur ghar me sukh shanti aur samridhi ke vardaan dete hain.

🪷Karwa Chauth Bhajan Lyrics in Hinglish 

 Bhajan 1: "Karwa Chauth ka Vrat Hai Pyara"

 Karwa Chauth ka vrat hai pyara,

Suhaganon  pyara tyohar hai.

Mata Karwa ki aarti karen sab,

Unke charon mein vishwas hai.

Karwa mata teri jai jai kaar,

Tere bhakt hain taiyaar.

Sukh-shanti de sabko maa

Pati ki umar badha de maa.

Chand niklta aangan mein,

Mann mein umang machti hai.

Dekhti hai chhanni se pativrata,

Dil se dua krti hai.

Bhajan 2: " Maa Karwa Ambe Tu Meri Raksha Karna"

Maa Karwa Ambe tu meri raksha karna,

Mere pati ki lambi Umar karna.

Sukh-shanti se bhara ghar mera,

Maa tu vardaan ye dena.

tere charnon mein deep jale,

Mann mera tujme khoye.

Karwa Chauth ka vrat rakhun,

Tere naam se sab kuch hoye.

Pati ke liye upvas hai mera,

Prem aur shraddha ka sankalp hai mera.

Maa Karwa Ambe sunle Pukaar,

Raksha karna mere sansaar.

Bhajan 3: "Chand Chhup Na Jaye Maa"

Chand chhup na jaaye maa,

Aaj meri ardaas sun le.

Karwa chauth ka vrat hai mera,

Mere mann ki aas sun le.

Pati ki umar badha de maa,

Har dukh door bhaga de maa.

Sindoor amar rahe mera,

Suhagan naam sada rahe mera.

Deep jale mere aangan mein,

Prem ki jyoti rehti hai.

Maa karwa tu mere sang rhe,

Har din nayi khushiyaan deti hai.

🪔Karwa Chauth Pooja Tips (for 2025) 

• Date: 17 october 2025, Friday
• Karwa Chauth Moonrise Timing: Around 8:10 PM
• Fasting Start Time: Before sunrise, 5:00 AM
• Puja Muhurat: 5:40 PM to 6:50 PM
• Puja Items: Karwa, diya, chhanni, sindoor, haldi, chawal, sweets, and Bhajan lyrics!

Karwa Chauth sirf ek vrat nahi--- ek bhakti aur prem ka utsav hai. Bhajan gaana is din ki spiritual aura ko aur bhi pavitra bana deta hai. Chahe aap ghar par pooja kar rahi ho ya online bhajan sun rhi ho --- in Karwa chauth ke Bhajanon se apni pooja aur bhi bhakti yukt banaiye.

Maa Karwa sab par apna ashirwad banaye rakhe.

HAPPY KARWA CHAUTH 2025!💫

Navratri Kanya Pujan Bhajan Lyrics in Hinglish

✨ Introduction 

Navratri ek bahut hi pavitra aur shaktishaali tyohar hai jo maa durga ke nau roopon ki aradhana ke liye manaya jaata hai. Isme 9 din tak maa ke alag-alag swaroop ki pooja ki jaati hai aur ant me kanya pujan ka vishesh mahatva hota hai. Hindu dharm ke anusar, kanya bachchiyon ko maa Durga ka roop maana jata hai aur unki pooja krke unhe Bhojan karvaya jaata hai.

Aaj ke blog me hum baat karenge kanya pujan ke bhajans ki jo aksar log is pavitra din par gaate hain. Yeh bhajan ghar me shanti aur bhakti ka mahaul banate hain.

Kanya pujan ka Mahatva💮

Navratri ke ant me jab Ashtami ya Navamii hoti hai, tab log chhoti kanyaon ko ghar bulaakar unke swaagat karte hain. Unhe tilak lagaya jaata hai, paav dhoye jaate hain aur prasad poori, halwa aur chane khilaye jaate hai, kanya ko dhan, kapde aur uphaar dekar vida kiya jaata hai.

🪷Popular kanya pujan bhajan lyrics in hinglish

Chhoti chhoti kanya aayi ,

Maa ka roop dikhayi,,

Phoolon si muskaan lekar, 

Khushiyaan ghar me chhayi.

Aao Behno aao, devi roop ban ke, 

Maa Durga ka vardaan le ke,

Aarti utare sab milkr ,

Bhakti bahv se maa ko yaad kar.

Kanyaon ka swagat hai, 

Maa ka ye sandesh hai, 

har roop me maa bas jaati, 

kanya me maa viraj ti.

Chhoti chhoti paayal baaje,

Mandir ghar ghar saaje ,

sukh sampati har dwar pr aaye,

Jai ho maa ke bhajan gaaye.

Navratri Day 2 Bhajan: Maa Brahmacharini Ke Liye Bhakti Geet

🌸 Navratri Day 2 - Maa Brahmacharini🌸

Navratri ke doosre din Maa Brahmacharini ki pooja ki jaati hai. Maa Brahmacharini tapsya aur sanyam ki devi hai. Maa ke hath me kamandal aur mala hoti hai, aur unki upasana se man ko shaanti dhairya aur sahi disha milti hai.

Is din Maa ke bhakti se sukh - sampati, shanti aur safalta prapt hoti hai. Chaliye aaj maa Brahmacharini ka bhajan milkar gaate hai.

Maa Brahmacharini Bhajan 

Jai Jai Brahmacharini Maa, Jai Jai Brahmacharini Maa

Bhakton ke dukh door kro ,tum ho sukh dataa Maa.

Tapasya ka roop tumhara, kamandal haath mein pyaara,

Jap mal ki shobha bhari, Maa ho shakti saara .

Jai Jai Brahmacharini Maa, Jai Jai Brahmacharini Maa

Bhola Bhandari tumse, khush hain tum unki aradhika 

Prem bhakti se jo shraddha se gaave, paave mukti ka saadhika 

Tyaag aur tap ka prateek, Maa tum go jag ki aadhar,

Sevak jo shraddha se gaave paave sukh apaar 

Jai Jai Brahmacharini Maa, Jai Jai Brahmcharini Maa

Tumse shuru har tapsya, tumse hi shakti aayi 

Tumse  hi milti hai bhakti, tumse hi mukti paayi 

jo bhi tumahar naam le, Maa uske sab rog mitaye 

Mann ke paap mit jaye jeevan me uj jiyara ho jaye 

Jai Jai Brahmacharini maa Jai, Jai Brahmacharini Maa 

Bhakto ke dukh kro tum ho sukh daata Maa 

Navratri ka doosra din Maa Brahmacharini ki bhakti ko samarpit hai , Maa ke is pavitra roop ki upaasana se hum apne jeevan mein inner strength, positivity aur devotion ko jagrat kar sakte hai .

Is Navratri Maa ke bhajan gaakar, aapne jeevan ko unnati aur Shanti ki disha mein le jaayein.

Jai Mata Di!🪷

Navratri special Ghatsthapna bhajan lyrics in Hindi with Meaning

 Introduction

Navratri ke shubh avsar par hum Maa Durga ki pooja karte hain. Ghatsthapna se Navratri ka aarambh hota hai . Ye bhajan aapke ghar me shanti aur sukh laaye aur Maa Durga ki kripa hum sab pr bani rhe. Aap is bhajan ko Ghatsthapna ke samay pr gaye Mata rani jrur prasan hongi.

Ghatasthapana Bhajan (Hinglish Lyrics)

Ghatsthapana karein, Navratri aayi 

Maa Durga ki pooja kare man me shanti payi 

 

Om Durgaye namah Om Durgaye namah 

Bhakton ke dukh door kro maa, meri kripalu maiya 

 

kalash me paani bhare, panch dhanya milaye 

kumkum aur akshat dalein,subh mahurat sajaye 

 

Diyo ki roshni jagaye, phoolo se mandir sajaye 

Maa ke Charan me man arpit Kare,

 hriday me shanti paye 

 

Ghatsthapana karein, Navratri aayi 

Maa Durga ki pooja kare man me shanti payi 

 

Om Durgaye namah Om Durgaye namah 

Bhakton ke dukh door kro maa, meri kripalu maiya

 This Bhajan is sung during Ghatsthapana to mark the beginning of Navratri. It invites Maa Durga into your home, praises ger divine power, and seeks her blessings to remove obstacles and bring peace and happiness to everyone.

JAI MATA DI 🙇

Draupadi Chir Haran Bhajan Lyrics in hindi: Mahabharat Bhajan

Mahabharat ki sabse vedna bhari parantu adhyatmik shakti se bhari ghatna thi Draupadi ka Chir Haran. Jab sabne apna muh mod liya tha, tab Shri krishna ne apne sakhi ki laaj bachakar sabko dikhaya ki bhakt ke sankat mein Bhagwan hamesha saath hote hain.

Is bhajan mein Draupadi ke dard, unki asha aur krishna par unke atoot vishwas ki kahaani basee hui hai. Yeh bhajan humein yeh sikhata hai ki jeevan ke kathin samay mein bhi agar hum mann se krishna ko pukaren, toh woh apni kripa zaroor barsate hain.

Iss blog mein aapko milenge Draupadi Chir Haran Bhajan ke pure lyrics, taaki aap aastha aur bhakti ke saath is pavitra bhajan ke paath kar sake.

तेरी द्रोपति बहनिया हो रही नंगनिया 

आज देखेंगे सारे राजा

मेरी लाज बचाने आजा

पांच पति मुझे जुए मे हारे 

नीच दुशासन मेरे चीर उतारे

बीच सभा मे खींच के वो लाया 

अरे नीचों का नीच वो राजा 

मेरी लाज बचाने आजा

कौरव-पांडव मे बैर पड़ी 

आजा मेरे श्याम आज दुख की घड़ी

बीच सभा मे दुखिया खड़ी 

मेरे चीरों मे आके समा जा 

मेरी लाज बचाने आजा

द्वारिकापुरी से कृष्ण जी आए

आके बहन के चीर मे समाए

साड़ी खींच दुशासन हारा

दंग रह गए सारे राजा

मेरी लाज बचा गया मुरली वाला।